Հայաստանում ցորենի ալյուրի շուկայում գործունեություն ծավալող տնտեսավարող սուբյեկտները գների բարձրացումը հիմնավորելու նպատակով թյուր տեղեկություններ են տրամադրել ՏՄՊՊՀ նախագահ Արտակ Շաբոյանին: Որպես պատճառաբանություն նրանք բերել են բեռնափոխադրման սակագների բարձրացումը, մինչդեռ բեռնափոխադրողները, այդ թվում նաև` “Հարավկովկասյան երկաթուղի” ընկերությունը, հերքում են այդ փաստը:

Թերթն անդրադարձել է  Հայաստանում ավտոմեքենաների տեխզննման կայանների գործունեության կարգն ազատականացման վերաբերյալ ՀՀ կառավարության օգոստոսի 26-ի նիստի որոշմանը, ըստ որի, Հայաստանում կավելանան տեխզննման կայանները, կներդրվեն նոր տեխնիկա եւ նոր հոսքագծեր: Մեքենաների սեփականատերերը հնարավորություն կունենան ոչ թե պարտադրված տեխզննումն անցնելու ըստ մեքենայի հաշվառման վայրի, այլ ցանկացած տեղում: Ըստ հոդվածագրի, ՀՀ տրանսպորտի եւ կապի նախարար Մանուկ Վարդանյանը նշել է, որ  տեխզննման կայանների ազատականացմանը հաջորդող քայլը պետք է լինի դրանց վերահսկողության խստացումը:

Թերթը գրում է, որ վերջին ամիսներին Հայաստանում սննդամթերքի կտրուկ գնաճի, այդ թվում`հասարակությանն առաջին հերթին մտահոգող ալյուրի և հացի գների թանկացման մեջ մեղավորության զգալի բաժին ունի “Հարավկովկասյան երկաթուղիներ” ՓԲԸ-ն և, ըստ ամենայնի, ՓԲԸ տնօրեն Շևքեթ Շայդուլինն անձամբ:

Թերթը, հղում կատարելով “Արմենպրես”-ին ,տեղեկացնում է, որ Հանրապետությունում 2010թ-ի յոթ ամիսներին ընդհանուր օգտագործման տրանսպորտի ուղեւորափոխադրումների ծավալը 2009թ-ի նույն ժամանակահատվածի նկատմամբ աճել է 3.9 տոկոսով` կազմելով 145 մլն 995 հազար 600:

Կառավարությունը $2 միլիոնով “Ապավեն” ՍՊԸ  հայկական խոշոր առաքիչ ընկերությանն է վաճառել պետության սեփականությունը հանդիսացող և մինչ այդ “Հարավկովկասյան երկաթուղի” ՓԲԸ կողմից շահագործվող տերմինալային և պահեստային երկաթուղային համալիրները: Այս մասին “Արմինֆոյի” թղթակցին հաղորդել է “Ապավենի” գործադիր տնօրեն Գագիկ Աղաջանյանը:

Հոդվածի հեղինակը գրում է, որ այս տարվա առաջին 7 ամիսներին “Հարավկովկասյան երկաթուղի” ընկերությունը պետբյուջե է վճարել մոտ 2,5 միլիարդ դրամ, ինչը նախորդ տարվա նույն ժամանակահատվածում կատարած վճարումների համեմատությամբ աճել է 86,5 տոկոսով: Հեղինակի խոսքերով`ընկերության բյուջեն տարեցտարի մեծանում է, բայց ծառայությունների որակը դրանից չի փոխվում:

Թերթը հղում կատարելով “Ինտերֆաքս” գործակալությանը, տեղկացնում է, որ արդեն իսկ Թբիլիսիի կենտրոնական ավտոկայանից միկրոավտոբուսները մեկնում են Թբիլիսի-Վլադիկավկազ-Թբիլիսի երթուղով: Ուղևորներին հասցնելով Վերին Լարսի անցակետ` մաքսակետն ու անձնագրային ստուգումն անցած ուղևորները ճանապարհը շարունակում են արդեն ռուսական կողմում սպասող միկրոավտոբուսով: Հեղինակի խոսքերով` Վերին Լարսի անցակետը, ստացվում է,  հարկավոր է նաև Վրաստանին և ոչ թե միայն` Հայաստանին:

«Հարավկովկասյան երկաթուղի» ընկերության գլխավոր տնօրեն Շևքեթ Շայդուլինը ուղևորափոխադրման տնօրինությունում կատարել է կադրային փոփոխություններ: «Կապիտալի» ունեցած տեղեկությունների համաձայն, պատճառը` առաջին հերթին  հանգստացողների ու  տրանսպորտի և կապի   նախարարի դժգոհություններն են:

Նույնը տես նաև`

Տեղափոխվել են, //Հայկական ժամանակ, 2010, 31 օգոստոսի:

Հեղինակը գրում է, որ “Հայփոստը” բարեփոխումներ կատարելու ճանապարհին որոշել է Լոռու մարզի 8 քաղաքային և 105 գյուղական համայնքներից աղբահանության վճարների համար նախկին 2%-ի փոխարեն պահանջել 10%` հավաքված գումարից: Սակայն դրանից Վանաձորի մասնաճյուղը ոչինչ չի շահում,  բնակիչները դժգոհում են, իսկ համայնքապետարանների հետ պայմանագրերը կասեցվել են:

ՀՀ կառավարության որոշմամբ` տեխզննման կայանների գործունեության կարգն ազատականացվեց: Կառավարության նիստին հաջորդած ասուլիսում ՀՀ տրանսպորտի և կապի նախարար Մանուկ Վարդանյանը մանրամասնելով գործընթացի հետ կապված խնդիրները, նշել է, որ հաջորդ քայլը խիստ վերահսկողություն սահմանելը կլինի:

Նույնը տես նաև`

Ով ուզի` տեխզննում կանցկացնի, //Ժամանակ, 2010, 27 օգոստոսի,
Տեխոսմոտրի տոշկա չբացե՞նք, //Հայկական ժամանակ, 2010, 27 օգոստոսի,
Ա. Գասպարյան, Ավտոսիրողները զերծ կմնան քաշքշուկներից, // Հայաստանի Հանրապետություն, 2010, 27 օգոստոսի:

Օգոստոսի 26-ին կառավաության մամուլի սրահում  կադաստրի նախկին նախագահ, ներկայումս ՀՀ տրանսպորտի և կապի նախարար Մանուկ Վարդանյանից լրագրողները փորձեցին պարզաբանումներ ստանալ, օրեր առաջ նույն սրահում, ՀՀ անշարժ գույքի պետական կադաստրի նախագահի տեղակալ Աշոտ Մուսայանի կողմից արված հայտարարության վերաբերյալ, թե Երվանդ Զախարյանի` կադաստրի նախագահ նշանակվելուց հետո կոռուպցիան այդ մարմնում վերացել է:  Նախարարը լրագրողներին խորհուրդ է տվել այդ հարցի մեկնաբանությունը ստանալու համար դիմել Աշոտ Մուսայանին, քանի որ “նա շատ սուր աչք ունի եւ վստահաբար կարող է ասել կոռուպցիան որքանով է տեղափոխվել տրանսպորտի նախարարություն, եւ որքանով է մնացել կադաստրում”:

Նույնը տես նաև`

Ա. Սիմոնյան, Տեխզննումը կհեշտանա, //Առավոտ, 2010, 27 օգոստոսի:

2010 թվականի ընթացքում ռուսական կողմն իրականացնելու է «Հարավկովկասյան երկաթուղիների» կողմից ստանձնած ներդրումային ծրագիրն ամբողջությամբ: Հանրային հեռուստատեսությանը տված հարցազրույցում նշել է ՀՀ վարչապետ Տիգրան Սարգսյանը, հավելելով, որ նախորդ 2 տարիների ընթացքում կար մի փոքր ծավալների կրճատում եւ ծրագիրը կոնցեսիոն ներդրումային մասով չէր կատարվում:

Ռուսաստանի նախագահ Դմիտրի Մեդվեդեւի Հայաստան պաշտոնական այցի շրջանակներում ռուսական պատվիրակության կազմում ժամանած ՌԴ տրանսպորտի նախարար Իգոր Լեւիտինը «Հայփոստ» ՓԲԸ-ի թիվ 0010 բաժանմունքում երեկ մասնակցեց “Պատվո բլուր” փոստային նամականիշի մարման պաշտոնական արարողությանը:

Նույնը տես նաև`

Շամշյան Գ., Փող է բերում` մի մաքրեք, //Առավոտ, 2010, 21 օգոստոսի,
Погашены памятные марки, //Голос Армении, 2010, 21 օգոստոսի:

«Հարավկովկասյան երկաթուղուց», ավելի ճիշտ` Երևան-Բաթում երթուղու սպասարկումից քաղաքացիների դժգոհությունները չեն նվազում: Խմբագրություն այցելած քաղաքացիները, որոնք իրենց հանգիստն էին անցկացրել Աջարիայում, պատմեցին Վրաստանում այս երթուղու գնացքում տեղի ունեցածի մասին: